سعودی عرب اور صہیونی حکومت کے درمیان تیزی سے بڑھتے تعلقات

سعودی عرب اور غاصب صہیونی حکومت کے درمیان سیاسی و سیکیورٹی اور انٹیلیجنس کے شعبے میں تعلقات بے انتہا فروغ پارہے ہیں۔ 

 

  المنار ويب سائٹ نے خبردي ہے کہ سعودي عرب اور اسرائيل کے درميان تعلقات اس حد تک پہنچ گئے ہيں کہ دونوں ہي حکومتوں نے عرب اقوام کے معاملات اور مطالبات کے مقابلے ميں آپس ميں اتحاد کرليا ہے اور عرب ملکوں کو نقصان اور علاقے ميں دہشت گردوں کی حمايت کے لئے ايک دوسرے سے بھرپور تعاون کررہے ہيں۔ سعودی حکام نے اسرائيلی حکام کے ساتھ اپني حاليہ ملاقاتوں ميں اسرائيل کو پيشکش کي ہے کہ آل سعود حکومت شام کی جولان کي پہاڑيوں کے معاملے کو اسرائيل کے حق ميں ختم کرانے کے لئے مدد کرے گی۔ المنار نيوزويب سائٹ نے خبردي ہے کہ سعودي عرب اور اسرائيل کے درميان خفيہ اطلاعات و معلومات کے تبادلے کو لے کر گہرا تعاون ہے، جس کے آثار و علامتيں نہ صرف شام ميں بلکہ لبنان ميں بھي ديکھے جاسکتے ہيں۔ المنار کے مطابق سعودی اور اسرائيلی حکام شام کے بحران، حزب اللہ لبنان سے دشمني اور فلسطين جيسے علاقے کے ديگر مسائل ميں ايک دوسرے سے تعاون کرنے ميں پوری طرح متحد ہيں-

عشق امام حسین (ع) نے مجھے شیعہ کر دیا: عیسائی جوان

’’ایوان میشنکو‘‘ نامی عیسائی جوان نے آیت اللہ سید کاظم نور مفیدی کے دفتر میں حاضر ہو کر شہادتین زبان پر جاری کی اور مذہب تشیع قبول کیا۔ 

ایران کے شہر گرگان میں مقیم ایک عیسائی جوان، گزشتہ روز اس شہر کے امام جمعہ اور نمائندہ ولی فقیہ کے دفتر میں حاضر ہو کر دین مبین اسلام سے مشرف ہوا۔
’’ایوان میشنکو‘‘ نامی عیسائی جوان نے آیت اللہ سید کاظم نور مفیدی کے دفتر میں حاضر ہو کر شہادتین زبان پر جاری کی اور مذہب تشیع قبول کیا۔
انہوں نے اسلام اور شیعہ مذہب قبول کرنے کی وجہ قرآن کریم کی تاثیر اور امام حسین علیہ السلام کا عشق قرار دیتے ہوئے کہا: دین اسلام کا مطالعہ اور اس کے عینی حقائق کا مشاہدہ کرنے کے بعد اسلام کو میں نے دین کامل پایا ہے اور دل کی گہرائیوں سے اسے اپنی ہدایت کے لیے انتخاب کیا ہے۔

انہوں نے مزید کہا: امام حسین (ع) سے عشق ہمارے دلوں میں تھا اور ہے اس لیے کہ میں ہمیشہ سے محرم میں اس امام عزیز کی عزاداری میں شرکت کرتا ہوں اور ان کی کرامات سے مستفیض ہوتا ہوں۔
آیت اللہ نورمفیدی نے بھی اس تازہ مسلمان ہوئے جوان سے اظہار محبت اور اس کی قدردانی کرتے ہوئے کہا: اگر آپ دل کی گہرائیوں سے ایمان لائے ہیں اور خداوند عالم کے تقرب اور اپنی ہدایت کے لیے اس دین کا انتخاب کیا ہے تو یقینا خدا کا لطف وکرم آپ کے شامل حال ہو گا۔
گرگان کے امام جمعہ نے اس جوان کے لیے جس نے ابھی اللہ کی وحدانیت کا اقرار اور ائمہ اطہار(ع) کی ولایت کو دل سے قبول کیا دعائے خیر کی۔