میں جوانوں کو سفارش کرتا ہوں کہ اپنی بیویوں سے محبت کریں، ان کے ساتھ وفادار رہیں اور خود کو ایک دوسرے کی تقدیر میں شریک سمجھیں۔
مشھد مقدس میں ’’ ہمسفر تا بہشت‘‘ کے عنوان سے انجام پائے جانے والے تازہ شادی شدہ جوانوں کے جوڑوں پر مشتمل ایک قومی پروگرام میں رہبر انقلاب اسلامی حضرت آیت اللہ خامنہ ای کا پیغام قرائت کیا گیا۔ اس پیغام کے ایک حصے میں آپ نے بیان کیا: میں جوانوں کو سفارش کرتا ہوں کہ اپنی بیویوں سے محبت کریں، ان کے ساتھ وفادار رہیں اور خود کو ایک دوسرے کی تقدیر میں شریک سمجھیں۔
جوان جوڑوں کی بزم میں رہبر معظم کے قرائت شدہ پیغام کا مکمل ترجمہ
بسم اللہ الرحمن الرحیم
آپ عزیز جوانوں کو ازدواجی زندگی کی شروعات کی مبارک باد پیش کرتا ہوں جو دلوں، جسموں اور تقدیروں کا آپسی بندھن ہے۔ میں سفارش کرتا ہوں کہ اپنی بیویوں سے محبت کریں ان کے ساتھ وفادرای کا ثبوت دیں اور خود کو ایک دوسرے کی تقدیر میں شریک سمجھیں۔ مشترکہ زندگی کے رشتے میں دراڑ ڈالنے سے پرہیز کریں اور چھوٹی چھوٹی باتوں کو نظر انداز کرنے کی کوشش کریں۔
خداوند عالم آپ کو خوشی، خوش قسمتی اور روحانی بلندی عطا فرمائے اور آپ کی زندگی کو نیک، صالح اور سالم اولاد کے ذریعے نورانی اور مزین کرے۔ انشاء اللہ
سید علی خامنہ ای، ۱۱، اپریل،۲۰۱۴
